چینی الیکٹرک بسیں راولپنڈی کی پبلک ٹرانسپورٹ میں انقلاب لائیں گی

راولپنڈی (گوادر پرو) وزیراعلیٰ پنجاب مریم نواز شریف 15 اکتوبر کو راولپنڈی میں چینی ساختہ نئی الیکٹرک بسوں کا افتتاح کریں گی، جو صوبے کے جدید کاری منصوبے کے تحت پاکستان میں ماحول دوست شہری ٹرانسپورٹ کی طرف ایک اہم قدم ہے۔
 حکمران جماعت پاکستان مسلم لیگ نواز (پی ایم ایل این) کے مطابق، یہ منصوبہ چینی مینوفیکچررز اور ٹیکنالوجی شراکت داروں کے تعاون سے نافذ کیا جا رہا ہے، جس کے تحت گریژن سٹی میں چار روٹس پر 87 ایئر کنڈیشنڈ الیکٹرک بسیں مرحلہ وار چلائی جائیں گی۔

پہلا مرحلہ راوت اور موٹروے چوک کے درمیان چلایا جائے گا، جو مسافروں کو جدید، سستی اور صفر آلودگی والی سفری سہولت فراہم کرے گا۔ کرایہ 20 روپے مقرر کیا گیا ہے، جبکہ طلبہ اور 60 سال سے زائد عمر کے بزرگ مفت سفر کے اہل ہوں گے۔

  پی ایم ایل این راولپنڈی ڈویژن کے صدر ملک ابرار احمد نے کہا یہ چینی الیکٹرک بس منصوبہ صاف، موثر اور باوقار پبلک ٹرانسپورٹ کی فراہمی میں سنگ میل ثابت ہوگا۔  انہوں نے مزید کہا کہ یہ منصوبہ بھیڑ اور آلودگی کو کم کرنے میں مدد دے گا اور پنجاب کے گرین ڈویلپمنٹ اہداف کے مطابق ہوگا۔

 پنجاب میں چینی الیکٹرک بسوں کی لانچ پاکستان اور چین کے وسیع تر موسمیاتی تعاون کے ساتھ بھی ہم آہنگ ہے، جو چین-پاکستان اقتصادی راہداری (سی پیک) کے تحت خاص طور پر قابل تجدید توانائی، اسمارٹ موبلٹی اور کم کاربن شہری ترقی میں شامل ہے۔