2022 میں پاکستان کی چین کو چاول کی برآمدات میں 53 فیصد اضافہ

بیجنگ (گوادر پرو) چین میں پاکستان کے سفارت خانے میں تعینات کمرشل قونصلرغلام قادر نے کہاہے کہ پہلی بار چین اور پاکستان کے درمیان چاول کی تجارت میں 2022 میں پاکستان کی چین کو چاول کی برآمدات 10 لاکھ ٹن سے زیادہ کے حجم کے ساتھ 455 ملین امریکی ڈالر سے تجاوز کرگئی۔

غلام قادر نے اشارہ کیا کہ عوامی جمہوریہ چین کے کسٹمز کی جنرل ایڈمنسٹریشن (GACC) کے مطابق گزشتہ سال کی نسبت زرعی مصنوعات کی دو طرفہ تجارت میں53فیصد کا نمایاں اضافہ ہوا اور چین نے پاکستان سے مختلف اقسام کے 1.19 ملین ٹن سے زیادہ چاول درآمد کیے، جو کہ 1.19 ملین ٹن سے زائد چاول کی درآمدات ہیں۔

انہوں نے مزید کہا دونوں حکومتوں کی طرف سے سہولت اور تاجروں کی محنت کی وجہ سےچین کو ہماری چاول کی برآمدات پہلی بار ایک ملین ٹن سے تجاوز کر گئیں۔ چین کے کھلنے کے ساتھ ان برآمدات میں مزید اضافے کی پیش گوئی کی گئی ہے۔

انہوں نے مزید کہا کہ چائنہ جنرل ایڈمنسٹریشن آف کسٹمزکے اعدادوشمار کے مطابق 2022 میں پاکستان سے چین کی سیمی یا ہولی ملڈ چاول (کموڈیٹی کوڈ: 10063020) کی درآمدات 211.88 ملین امریکی ڈالر تک پہنچ گئیں، جب کہ دو قسم کے ٹوٹا چاول (کموڈیٹی کوڈ:01,04,020) 10064080) بالترتیب  162.78 ملین اور  80.74 ملینڈالر تک پہنچ گئی۔

قادر نے کہاچینی حکومت آف لائن اور آن لائن پویلین قائم کر کے پاکستان کی مدد کر رہی ہے اور پاکستانی چاول نے چین میں ای کامرس پلیٹ فارم پر مقبول  ہے اور اس کی فروخت میں مزید اضافہ متوقع ہے۔ ہم جی اے سی سی کے ساتھ مل کر کام کر رہے ہیں تاکہ پاکستانی چاول کے مزید کاروباری اداروں کی رجسٹریشن ہو سکے اور ہماری برآمدات میں مزید اضافہ ہو۔

کمرشل قونصلر نے چائنہ اکنامک نیٹ کو بتایا کہ پاکستانی چاول اپنے بہترین ذائقے اور معیار کی وجہ سے چینی مارکیٹ میں مقبول ہو رہا ہے جبکہ جی اے سی سی میں رجسٹرڈ پاکستانی اداروں کی کل تعداد میں بھی گزشتہ سال اضافہ ہوا اور اب یہ تعداد 62 ہے۔