رواں سال جنوری سے ستمبر تک چین کو پاکستانی چلغوزے کی برآمدات تقریباً 48 ملین ڈالر تک پہنچ گئیں
بیجنگ (چائنا اکنامک نیٹ) عوامی جمہوریہ چین کی جنرل ایڈمنسٹریشن آف کسٹمز (جی اے سی سی) کے سرکاری اعداد و شمار کے مطابق رواں سال جنوری سے ستمبر کے دوران چین کو پاکستانی چلغوزے کی برآمدات 47.691 ملین ڈالر سے تجاوز کر گئیں۔
پاکستان سے چلغوزہ چین کی درآمدات کا 42 فیصد سے زیادہ حصہ لے چکا ہے، جو چین کو بڑے چلغوزہ برآمد کنندگان میں دوسرے نمبر پر ہے۔ جی اے سی سی کے اعداد و شمار سے پتہ چلتا ہے کہ 2022 کے پہلے نو مہینوں میں، چین نے پاکستان سے تقریباً 48 ملین ڈالر مالیت کا 4,290.642 ٹن چلغوزہ درآمد کیا جبکہ اسی عرصے میں، چین نے دنیا بھر سے 15,253.90 چلغوزہ درآمد کیا جس کی مالیت تقریباً 112.98 ملین ڈالر ہے۔
پاکستان سے چلغوزہ ایکسپورٹ کرنے والے عبداللہ آفریدی نے چائنہ اکنامک نیٹ سے اپنے خیالات کا اظہار کرتے ہوئے کہا کہ پاکستانی چلغوزہ چین میں بہت مقبول ہیں اور بڑی نمائشوں میں چینی اور بین الاقوامی صارفین میں خوب فروخت ہو تا ہے۔
آفریدی نے مزید کہا چائنا انٹرنیشنل امپورٹ ایکسپو (CIIE) ہمیں ایک ایسا پلیٹ فارم مہیا کر تی ہے جہاں ہم خریداروں تک آسانی سے رسائی حاصل کر سکتے ہیں۔ چین پاکستان آزاد تجارتی معاہدے کے دوسرے مرحلے کی وجہ سے پاکستانی چلغوزے پر چین کے لیے صفر ٹیرف ہے، جس سے ہمیں فروخت کرنے میں مدد ملتی ہے اور افغانستان، روس اور دیگر ممالک کی نسبت یہاں اچھی قیمت ہے ۔
ان کا مزید کہنا تھا کہ اس سال قیمتوں میں اضافہ کیا جائے گا اور گزشتہ مئی میں بلوچستان کے ضلع شیرانی میں سیلاب اور آتشزدگی کی وجہ سے دیودار کی قلت کا سامنا کرنا پڑ سکتا ہے۔
چین کے پاس بڑی قوت خرید ہے۔ سردیوں میں، وہ سورج مکھی کے بیج بڑے پیمانے پر استعمال کرتے ہیں، لیکن پاکستانی چلغوزہ کو اب چینی مارکیٹ میں اعلیٰ درجے کے ناشتے کی درجہ بندی میں شامل کیا گیا ہے، اس لیے یہاں چلغوزے کی مانگ بہت زیادہ ہے۔ اگر پاکستان-افغانستان سرحد کھل جاتی ہے۔ اس سے نہ صرف چلغوزے کی تجارت میں اضافہ ہوگا بلکہ چین کو برآمدات کو بھی فروغ ملے گا۔
اعداد و شمار سے پتہ چلتا ہے کہ اس سال کے پہلے نو مہینوں میں چین کی جانب سے 57.55 ملین ڈالر مالیت کا 10,135.1 ٹن چلغوزہ روس سے، 568.1 ٹن4.32 ڈالر کا قازقستان سے اور 260.1 ٹن مالیت کا 3.41 ملین ڈالر کا افغانستان سے برآمد کیا ہے۔
