پاک چین تجارت کو فروغ دینے کیلئے163پاکستانی تاجر ای وو پہنچ گئے

 ای وو (گوادر پرو) ای وومیرا دوسرا آبائی شہر ہے،میں واقعی  ای وومیونسپل گورنمنٹ اور ژی جیانگ ایمن لاجسٹک کا اس چارٹر فلائٹ کا انتظام کرنے پر شکر گزار ہوں، میں مزید محنت کروں گا اور چین اور پاکستان کے درمیان اقتصادی اور تجارتی تعاون میں حصہ ڈالوں گا۔ یہ بات اسلام آ باد سے چارٹرڈ طیارے کے ذریعے ای وو پہنچنے والے   ایک پاکستانی تاجر  آصف نے بڑے جوش و خروش سے کہی۔
 

ہینان ایئرلائنز کا چارٹر مسافر طیارہ 163 پاکستانی تاجروں کو لے کر ہفتے کے روز ہانگژو ژاؤشان ایئرپورٹ پر اترا، اس نے وبا کے پس منظر میں چین پاکستان تجارت کے لیے ایک نیا چینل کھول دیا ہے۔
 

ژی جیانگ ایمن سپلائی چین مینجمنٹ کمپنی کے جنرل منیجر اور پاکستان کے اعزازی انویسٹمنٹ  قونصلر لی یمان نے گوادر پرو   کو بتایا کہ یہ چارٹر فلائٹ  ا ی وو واپس آنے والے پاکستانی تاجروں کے لیے بڑی سہولت فراہم کرتی ہے،ہوائی ٹکٹ مہنگی قیمت پر فراہم کیے گئے، اور  لینڈنگ کے بعد  قرنطینہ رہائش کے اخراجات تمام واجب الادا حکومت کے ذمے تھے۔ مزید یہ کہ ہانگژو اور ی ای وو کے لیے براہ راست پرواز قرنطینہ کے وقت کو بہت کم کر دیتی ہے۔
 
 مجوزہ  ای ووپاکستان چیمبر آف کامرس کے سربراہ کے کے آفریدی   جنہوں نے  رجسٹریشن کے لیے درخواست د ی ہے،  وہ ای وومیں 15 سال سے مقیم ہیں اور اس چارٹر فلائٹ کے کوآرڈینیشن کے لیے کافی کوششیں کی ہیں۔ انہوں نے اس چارٹر فلائٹ کو ایک تاریخی دوستانہ فلائٹ قرار دیا اور کہا  کہ پاکستان کے صارفین چین میں اپنے کاروبار کو برقرار رکھنے کے لیے  خاص طور پر  ای وومارکیٹ میں  اور مستقبل کے لیے دوبارہ منصوبہ بندی کرنے کے لیے سستے ٹکٹوں تک آسان رسائی حاصل کرنے پر پرجوش ہیں۔ مجھے امید ہے کہ  ای ووحکومت مستقبل میں ہمارے پاکستانی بھائیوں کے لیے مزید کچھ کر سکتی ہے۔

یہ چارٹر فلائٹ لینے والے پاکستانی تاجروں نے  ای ووکے لیے اپنی محبت اور توقعات کا اظہار کرتے ہوئے  کہا کہ  ای وومارکیٹ دنیا کا سب سے بڑا چھوٹی اجناس کی تقسیم کا مرکز ہے،  یہ  دنیا بھر سے ڈیلرز کو اپنی طرف متوجہ کرتا ہے،  یہ  پاکستانی مصنوعات کو چین اور باقی دنیا کے لیے ایک اہم مقام فراہم کرتا ہے۔ وہ   ای ووکو بین الاقوامی تجارتی مرکز کے طور پر استعمال کرتے ہوئے پاکستان کے لیے برآمدات کو بڑھانے کے لیے بھی آئے   ہیں۔
 
یہ معلوم ہوا ہے کہ ای ووغیر ملکی تاجروں کی  واپسی اور بین الاقوامی تجارت کو فروغ دینے میں مدد کے لیے  بزنس  چارٹر پروازوں کا اہتمام جاری رکھے گا۔